فراز | FARAZ

سوق لبيع المنتجات الإيرانية عبارة عن جمعية مصغرة يتكون من دورين وسردابnقمت بزيارته وملاحظاتي هي:n١) رائحة المكان ما كانت طيبة وقد يكون السبب من الخضارn٢) تنوع المنتجات ممتاز وتقريبا أي شي تبيه من المنتجات الغذائية تلقاه بصنع إيرانيn٣) أغلب المنتجات تقلد في الشكل المنتجات العالمية المعروفةn٤) فيه قسم لبيع الحلويات الإيرانية بالكيلوn٥) الأسعار عادية وما تفرق حيل عن الأسواق الأخرىn٦) أجمل ما في المكان الدور الأول تقدر تاخذ منه هدايا مغلفة تغليف جميل

سوق إيراني فتح مؤخرا في أسواق القرين في دولة الكويت يحتوي على منتجات إيرانية متنوعة كانت تجربة جميلة في التسوق يجب أن يهتم لترجمة المنتجات حيث أنها باللغة الفارسية لقد اشتريت بعض الأشياء الغريبة التي أراها لأول مرة مثل شايل الليمون الأصفر والخبز الحجري وزيت الزيتون البكر وش الأعشاب المتجر يحتوي على تسالي مخللات ومربي ومنتجات الألبان ومنتجات الخبز والفواكه وكثير من الأشياء أسعارها لا تختلف عن أسعار الجمعيات كنت متوقع الأسعار أقل

سوق مركزي مختص بمنتجات الاغذية الايرانية ، عبارة عن ثلاث ادوار حديث البناء ، مواقف للسيارات ، موقع مميز قريب من اشهر محلات اسواق القرين .

فاراز سوق مركزي مصغر لبيع المنتجات الإيرانية في منطقة أسواق القرين .. المكان 3 أدوار فعلياً لكن لما تدخلونه تحسون الأرفف يم بعض والمكان صغير والمنتجات قليلة نوعاً ما .. بس للأمانة حبيت المكان والأسعار مقبولة مونفس باقي الأماكن الثانية اللي تبيع المنتجات الإيرانية بأسعار خورافية .. فاراز مكان حلو والبضاعة منوعة بس يحتاج شوي زيادة في بعض البضاعة .. الدور الأرضى فيه منتجات الحلويات والشيبس وأنواع الشاي والزعفران والدور الأول وجود بعض الأواني والمواعين الإيرانية والكريمات وغسول وكريمات الوجه بالإضافة لسكشن المكسرات بأنواعها .. والسرداب فيه قسم الخضار والفواكة الإيرانية قسم صغير بالإضافة لوجود المفرزنات مثل البرغر والناجت بالاضافة لوجود انواع السبزي المثلج والباجيلا وغيرها .. المكان جديد ويحتاج ترتيب اكثر وزيادة في المنتجات .. كل التوفيق لكم 👍🏻🌹

حبيت الجمعيه شرحه فيها سرداب ودور اول وكلشي فيها ومهتمين بنظافة المنتجات الموظفين ينظفون المنتجات عن الغبار ماشاءالله ان شاءالله يكونون مستمرين بهالمستوى و اكثر 👍🏻 وطبعا عطوني هديه چيس فيها منتجات قريب تنتهي لكن شي جميل قبل لا ينتهي يوزعونه😁شكرا فاراز …