سوق الخيام الري

مكان لبيع الخيام وتفصال خيام بغرف زجاجية

غالي بشكل مو طبيعي وشغلهم اي كلام وكل واحد مسويله ماركه وحاطله اسم يعني قوي واهما اغلبهم نفس الشي ماكو زحمه وايد ، بس مافي شي يسوى تتعناله اشوف سوق الوفره او جبد وايد احسن ، مابي شي رخيص بس يعني اسعار معقوله شوي ، بس اللي بالري محد مشهور كثرهم عشان جذي رافعين اسعارهم وكانهم السوق الوحيد بالكويت امر غريب صراحه ، الحلو بالسوق انك تدخل بسيارتك وتمر عليهم كلهم راحه نفسيه وتقدر تسفط تشوف الخيمه وتروح تكمل طريجك ، وقت الصلاة ماتحصل احد العموم يروح يصلي ، مبطلين من الصبح حول ال ١٠ مادري متى يسكرون وبس شكرا مع السلامه

سوق الخيام تحصل فيه خيام جميع الانواع في الغالي والرخيص لكن يبيلك شوي تتمشى عشان تعرف الاسعارnويسوون مظلات الروكلين وتقدر تفصل عندهم اللي تبي من هالمواد روكلين ولا رواق تبيه ذرى ولا مظلات يصلحون خيام ولكن الاسعار مو محدده لازم تتمشىnيسوون لك بعد رواق خيمه ومن داخل سدو هالحركات واتوقع عندهم بعد سوالف الدواوين الخارجيه بتحصل عندهم كل مايخص الخيام من حبال وغيره

المكان خطأ من خرائط قوقل

هذا السوق يقع في الشويخ الصناعيه منطقة الري ويوجد فيه جميع انواع الخيم المستعمله فهم يقومون بشراء الخيام المستعمله وتنظيفها واعادة تطريزها اذا احتاج الامر وبهذا الحاله تكون صالحه لبنائها من جديد ولكن رغم انه سوق مستعمل فاسعاره مرتفعه قليلا وشكرا